Pekeng doktor sa Florida na gumamit ng semento sa buttocks enhacement ng pasyente, arestado

MIAMI - Arestado ang isang lalaki sa Florida na nagpanggap na isang babaeng cosmetic surgeon.

Ito'y makaraang inireklamo ang salarin na si Oneal Ron Morris, 30, ng isang kustomer na kaniyang nabiktima.

Kuwento ng biktima, gusto nitong magtrabaho sa isang nightclub kaya nagpaganda ng katawan.

Isang doktor daw ang nag-alok sa kaniya ng buttocks enhancement sa murang halaga lang.

Ngunit ang inilagay na implant sa kaniyang buttocks ay semento, mineral oil at interior ng na-flat na gulong ng sasakyan.

Ayon sa Miami police sa Florida, ang suspek din ang nagsagawa ng operasyon.

Naniniwala ang mga otoridad na hindi
lang iisa ang biktima ni Morris at palipat-lipat ito ng tahanan kaya
nahirapan ang pulisya na siya'y arestuhin.

Sa ngayon ay nahaharap si Morris sa kasong pag-practice ng medisina na walang lisensiya.

Nagpapagaling naman ngayon sa ospital ang biktima na noong una ay nahiya pang magreklamo.

Sinabi ng pulisya na sinabihan pa ni
Morris ang babae na magiging maganda ang ginawang operasyon dito at wala
itong dapat ikabahala.

"(Morris) was readily introduced to our
victim as someone who could help improve her shape, so we believe
(she's) done this to other people," ani Sgt. Bill Bamford ng Miami
Gardens Police. (AP)


[You must be registered and logged in to see this link.]