Mister pinatay si misis sa Valentine's Day, dahil sa selos na may ka-textmate

DAGUPAN CITY - Nauwi sa madugong selebrasyon ng araw ng mga puso ang isang mag-asawa, sa lalawigan ng Pangasinan matapos mapatay ng mister ang kanyang misis nang dahil sa ka-textmate.

Natuklasan ng mister na si Fundador de Guzman, 41, na may ka-textmate ang kanyang misis na si Leah de Guzman, 29, kapwa residente ng Brgy. Duyong, Calasiao.

Dahil dito, inundayan ng saksak ni mister ang misis sa kanyang tagiliran hanggang sa ito ay mamatay.

Nahuli naman kaagad ng mga pulis ang suspek at ikinulong.

Nakatakda na rin itong sampahan ng kasong parricide.

orig link [You must be registered and logged in to see this link.]

LA UNION - Nagdadalamhati ngayong araw ng mga puso ang isang 28-anyos na misis matapos matagpuan nitong nagbigti kaninang umaga ang mister sa loob ng kanilang kwarto sa Barangay Sibuan-utong, San Fernando City, La Union.

Sa panayam ng Bombo Radyo La Union sa misis na si Jessica de Guzman, sinabi nito na hindi niya alam ang tunay na dahilan ng pagpapakamatay ng kanyang asawa na si Marvin de Guzman, 28.

Bago nagpakamatay ang mister lagi umano nitong sinasabi kagabi na walang nagmamahal sa kanya at nagbanta pang magpapakamatay ngunit hindi naman pinansin ng misis.

Ayon pa kay Jessica, lagi naman niyang ipinapadama sa asawa ang pagmamahal.

Nabatid na ginamit umano ng mister ang isang sinturon at punda ng unan sa kanyang pagpapakamatay.

[You must be registered and logged in to see this link.]

World's Longest Continuous Kiss contestWorld's Longest Continuous Kiss contest(Update) PATTAYA, Thailand - Nasungkit ngayon ng Thailand ang world record para sa pinakamahabang halikan ng magsing-irog, sa isinagawang kissing contest sa naturang bansa.

Isang pares ng magkasintahan ang naghalikan ng 34 oras, bilang pagdiriwang ng Valentine's Day.

Napag-alaman na ang world record na hawak ng Germany ay 32 oras, pitong minuto at 12 segundo na halikan ng magkasintahan, ayon sa Guinness.

Una rito, 14 magkasintahan ang sumali sa nasabing kissathon na nagsimula noon pang alas 6:00 ng umaga ng Linggo.

Ngunit kahapon ng hapon, kalahati na lang ang nagpatuloy sa contest na nakaabot ng 36 oras na halikan.

Kagabi, tatlo pang pares ang nalaglag sa contest.

Batay sa contest rules, hindi maaaring maghiwalay ang labi ng magkasintahan.

Maaari ang mga itong uminom sa pamamagitan ng straw ngunit naghahalikan pa rin.

Kung pupunta ng bayo, kailangan din na manatiling nakayakap ang magkasintahan at sasamahan ng mga contest monitors.

Hindi maaaring maupo o matulog ang mga contestant.

Ang premyo ng mananalong couple ay isang diamond ring at 100,000 Baht.

Nanalong sa kissing contest sina Laksana Tiranarat at mister na si Ekkachai na naghalikan ng 46 oras.

Ang mga contestant ay halos Thai ngunit may isang German na ang kasintahan ay Thai ay mayroon ding sumaling bading. (AP)


[You must be registered and logged in to see this link.]