Natakot sa driver, bebot tumalon

Masusing iniimbestigahan ngayon ng mga awtoridad ang isang driver ng tricycle sa Laoag City makaraang tumalon ang nakisakay ritong babae dahil sa takot.


Sa report ng PNP Laoag sa Camp Crame, kinilala ang dalaga na si Sofia Navarro, 23-anyos, ng nasabing lugar.


Sa pahayag nito sa pulisya, pasado alas-otso ng gabi ng pinara nito ang pribadong tricycle ni Juanito Barit, tubong Laoag City, para makiangkas hanggang sa patutunguhang lugar.


Matagal na umano ka­sing nag-aabang ng masasakyan ang dalaga subalit madalang ang dumadaan at karamihan ay puno ng pasahero.


Kaya naman ganoon na lamang ang takot ng dalaga ng hindi ihinto ng driver na si Barit ang motorsiklo nito kahit pinapara na ng babae. Sa halip aniya ay pinabilis pa ng driver ang takbo ng tricycle at tinutumbok ang madilim na bahagi ng lugar.


Dito na umano nagsisigaw ang dalaga at hu­mingi ng tulong, subalit ng mapansing walang epekto sa driver ang ginawang pagsigaw at paghingi ng tulong ay dito na ito tu­malon sa tricycle.


Babalikan pa umano sana ng nakalayo ng tricycle ang dalaga subalit tumakas din ito ng makita ang presensya ng ilang re­sidenteng malapit sa lugar.


Agad din namang nadakip ng mga awtoridad si Barit nang magsagawa ang mga ito ng operasyon sa Laoag City.


link:http://www.abante.com.ph/issue/apr1711/luzon01.htm

pangit siguro ang driver. Pero kung gwapo ay nako pumayag na yan. Hehe peace!