Home
MILWAUKEE --- Kahit sa ibang teritoryo ay sinusundan ng “M-V-P!” chants si Derrick Rose.
Pinatunayan ito ni Rose nang itakas niya ang panalo ng Chicago Bulls sa Milwaukee Bucks noong Sabado.
Pinangunaha ni Rose ang panggulat na 12-0 run ng Chicago sa huling tatlong minuto sa pagsagasa ng Bulls sa 95-87 panalo.
“The worst thing you can do is give me confidence no matter what I’m doing,” ani Rose, nagtapos ng 30 points at career-high 17 assists. “If I get any type of confidence, it’s going to be hard to stop me.”
Ipinadama ng mga Bulls fans, na naglakbay bilang suporta sa team, kay Rose na parang nasa home court nila ito sa paghiyaw ng “M-V-P!” buong laro.
Nang maiwan ang Chicago, 87-83, matapos ang apat na sunod na free throws ni Carlos Delfino, gumanti si Rose ng pares ng free throws bago pasahan si Joakim Noah para as fast-break dunk na nagtabla sa laban.
Habang inaaksya ng Bucks ang kanilang opensa, tatlong sunod na baskets ang pinakawalan ni Rose sa nalalabing dalawang minuto bago pasahan si Ronnie Brewer para sa panilat na fast-break layup.
Naglista si Carlos Boozer ng 14 points at 11 rebounds sa Chicago habang si Noah ay may 12 at 11 rebounds.
Umiskor si John Salmons ng 25 sa Milwaukee at 25 si Delfino.
[You must be registered and logged in to see this link.]