Pinabili ng itlog, sa estero na lumutang

Wala ng buhay nang muling makita ng kanyang mga magulang ang 8-anyos na batang babae, nang mahulog sa estero matapos utusang bumili ng itlog na maalat para sa kanilang hapunan.

Kahapon ng umaga ay narekober ang bangkay ni Elena Oyson sa Estero de Pandacan sa Sta. Ana, Maynila.

Nabatid na kamakalawa ng alas-7:45 ng gabi nang bumili ng itlog ang bata pero sa kabila ng magdamag na paghihintay ng kanyang pamilya ay hindi na ito nakabalik pa. Kinabukasan ay natagpuan na lamang ang bangkay nito.


link:http://www.abante.com.ph/issue/apr1711/crimes03.htm