Eminem, bigong masungkit ang Song of the Year award

LOS ANGELES - Bagama't ang rapper na si Eminem ang napaulat na may pinakamaraming nominasyon kung saan mayroon itong 10, ang country music trio na Lady Antebellum ang nangibabaw sa Grammys sa Los Angeles.

Hindi pa man naiaanunsyo ang top prize na Album of the Year, limang parangal na ang hinakot ng Lady Antebellum taliwas sa kanilang isang napanalunan noong nakaraang taon.

Kabilang sa mga iginawad na parangal sa naturang music trio ay ang major awards ding Song of the Year at Record of the Year para sa kanilang awiting "Need You Now." (AP)