Kapitan, naireklamo mainaig iti issue ti panagwaras ti sex video

LAOAG CITY - Nakigtot ni Barangay
Chairman Rodolfo Ramones ti Brgy. Pansian, Pagudpud Ilocos Norte
kalpasan a naamuan na a mairekreklamo metten daytoy mainaig iti issue ti
nagwaras a sex video ti maysa nga agnobyo a kalugaran na.

Kuna ti Kapitan a ti ammo na ket
napintas ti nagbalin a bunga ti saritaan iti nagbaetan dagiti maseknan
kasta met dagiti maatap a nagiwaras ti nasao a sex video idi matratar
ti kaso iti Sangguniang Barangay.

Inlawlawag na a nagtutulag ti agsumbangir a partido nga isardengdan nga iwaras ti video ken saandan a padakkelen pay.

Naamuan iti pannakadengngeg ti nasao a
kaso iti barangay a naiwaras ti sex video kalpasan nga inpabulod ti
babai ti laptop na nga ayan ti video iti maysa a nasinged a pagayam na.

Maatap nga idiay a nakopya kalpasan a nagparang a kas virus iti computer ken nai-save agingga a naiwaras.

Saan met a paglibakan dagiti agnobyo
nga isuda ti adda iti sex video ngem naglikudan ti maitudtudo a bimmulod
ti laptop nga isu ti nagiwaras ti sex video.


[You must be registered and logged in to see this link.]